نصائح ذهبية باش طول فإيباي

نصائح ذهبية باش طول فإيباي

1) الناس ديال الديجيتال، إلا شي كليان معجبوش البروداكت و بغا فلوسو خاصك تجاوبو فالبلاصة وتقتارح عليه جوج حلول، يإما تزيدو بروداكت آخر ولا جوج فابور ولا يفتح كيز و ترجع ليه فلوسو ديك ساعة و خليه يختار

2) إلا مشيتي تاتسد ليك الأكونت و عليه دي كيزس ومكنتيش رديتي للناس فلوسهم عول غادي يتليميتا ليك حتا البايبال، و ملي كيتليميتا علا حساب الديجيتال كتولي صعيب باش ترجع فلوسك

3) متخليش فلوس بزاف فالبايبال، غير تجمع ديك 300-500 دولار دوزها للاكارط باش تايلا وقع شي مشكل كتكون فزتي برزقك بعدا

4) ملي يسالي ليك البروداكت ماتبقاش تزيد الكونتيتي بزاف، بقا تخليه ديما 1، باش يطلع للناس بزاف لاست وان.

5) ديما يكون عندك حساب ولا جوج ديال إيباي سوكور (خدم بروكسي ولاRDP ولا سير غا للسيبير)، فتحهم و خليهم يقدامو و مرة مرة شري شي لعيبات رخاصين و طلب ريفيو باش تزيد الثقة ديال إيباي فيك

6) إلا كنتي خدام الديجيتال ودزتي ديجا من ليميت، معمرك تفكر تكونتاكتي إيباي لا فالشات ولا ديريكت حينت غيسدو ليك الكونط

7) إلا طلب ليك بايبال إنفويسز سير لفايفر غتلقا هنود و باكستانيين كيديرو هاد الخدمة، ولا طلب ليك تراكينغ شري برودويات رخاصين بعناوين دوك الناس ليبعتي ليهم وخود داك تراكين و عطيه لبايبال

8) باش مايتسوسبانداش ليك الكونط دغيا، فتحو و صبر عليه شوية يقدام واحد شهر،بقا دخل ليه و شوف برودويات و شري لا قدرتي شي لعيبات رخاص و طلب ريفيو، و المرة للولة فاش تليستي، ليستي بروداكت عندك فالدار صورو و حطو و ماتبداش من للول بالديجيتال و لا دروب

هادا جهدي عليكم و بالتوفيق للجميع

الخوت بلاش البريفي للي عندو شي سؤال و عرفت الإجابة غنجوبو بكل فرح فكومنتير

إنتهى وإلى اللقاء

المصدر | bidaya | نصائح ذهبية باش طول فإيباي